Շիրակի պետական համալսարանի 4 դասախոս հանդես են եկել մամուլի ասուլիսով: Նրանք նշել են, որ խաթարված է բուհի աշխատանքը, քանի որ ուսանողների մի մասը բողոքի ակցիաների է մասնակցում, մյուսներն էլ դասի չեն գալիս: Դասախոսները ցուցարարների շարքերում գտնվող նախկին դասախոսներին ու նախկին պրոռեկտորին հորդորել են ամբողջ համալսարանի դասախոսական կազմի անունից հայտարարություններ չանել, անդրադարձել են իրենց հասցեին նախօրեին հնչեցված մեղադրանքներին ու շեշտել, որ ռեկտորի հրաժարականի պահանջը հիմնավոր չէ: