Ռուսաստանի պաշտպանության նախարար Սերգեյ Շոյգուն կարճ աշխատանքային այցով մեկնել է Ադրբեջան, որտեղ բանակցություններ կվարի Ադրբեջանի պաշտպանության նախարար Զաքիր Հասանովի հետ:

Ինչպես տեղեկացնում է Риа Новости-ն, այդ մասին հայտնել է Ռուսաստանի պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։ Նրա խոսքերով՝ «կողմերը կքննարկեն երկկողմ ռազմական և ռազմատեխնիկական համագործակցության հրատապ հարցերը, ինչպես նաև միջազգային և տարածաշրջանային անվտանգության խնդիրները»։ Կոնաշենկովը նաև հավելել է, որ կողմերը կարծիքներ կփոխանակեն Լեռնային Ղարաբաղի իրավիճակի վերաբերյալ։ Նախատեսված է նաև Շոյգուի և Ադրբեջանի նախագահ Իլհամ Ալիևի հանդիպումը։