Մայիսի 27-ին ողբերգական դեպք է տեղի ունեցել Արմավիրում։ Շտապօգնության բժիշկների հերթապահ խումբը  քաղաքի տներից մեկից «սրտի կանգ» ախտորոշմամբ բժշկական կենտրոն  է տեղափոխել մի երեխայի, ով այնուհետև տեղափոխվել է Երևանի «Սուրբ Աստվածամայր» հիվանդանոց։ Ինչպես հայտնում է ֆոտոլրագրող Գագիկ Շամշյանը, ոստիկանները  պարզել են, որ երեխան Արմավիրի մարզի բնակիչ 2-ամյա Է․ Ե․-ն է, ով մայիսի 28-ին «Սուրբ Աստվածամայր» բժշկական կենտրոնի վերակենդանացման բաժանմունքում մահացել է։ Արտաքին զննությամբ դիակի վրա բռնության հետքեր չեն հայտնաբերվել։ Քննիչի հանձնարարականով՝ նշանակվել է դատաբժշկական փորձաքննություն։