a1plus.am-ը գրում է. Հայաստանի զինանշանի վրա ավելի քան 30 գերբագիտական սխալ կա։  Դեռեւս 2 տարի առաջ այս  մտահոգությունը  ներկայացվել  է  Հանրային խորհրդի մշակույթի հանձնաժողովում,որից հետո կատարվել է մանրամասն ուսումնասիրություն։

«Թե առյուծի, թե արծվի բերանները փակ են։ Գերբագիտությունը գիտություն է, ըստ գերբագիտության օրենքների՝ փակ բերանով կենդանիները մեռած կենդանիներ են, թույլ, անուժ անօգնական կենդանիներ են։ Այս տեսակետից մենք պետք է կարծենք,  որ մեր պետությունը թույլ, անուժ պետություն է»,- կայքի հետ զրույցում ասել է հանրային խորհրդի անդամ, մշակութաբան Գագիկ Մանասյանը։

Ինչ վերաբերում է վահանին, որի վրա տեղադրված է Արշակունիների, Արտաշիսյանների,  Բագրատունիների եւ Ռուբինյանների խորհրդանշանները, ապա այստեղ գույները չեն համապատասխանում տվյալ տոհմերի խորհրդանշանների գույներին։ Սակայն սա դեռ ամենը չէ։

«Եվրոպայում Կարմիր առյուծը տեղափոխվել է  Կիլիկիայից։ Այսօր այս առյուծը կա 12 երկրների գերբերի վրա։ Սակայն տեսնենք, թե ինչպես է այն  արտահայտվել մեր գերբի վրա։ Սա  կարծեք սմայլիկ լինի, մուլտֆիլմի հերոս, տարօրինակ մի բան, որ առյուծի դեմք չունի, հասկանալի չի, թե ինչ է»,-ասել է Գագիկ Մանասյանը։

Շարունակությունը՝ սկզբնաղբյուր կայքում