Կրեմլի մամուլի խոսնակ Դմիտրի Պեսկովը հաստատել է, որ Ռուսաստանի, Իրանի և Ադրբեջանի նախագահների հանդիպում է նախապատրաստվում, որը տեղի է ունենալու Բաքվում: Այդ մասին հաղորդում է ռուսաստանյան «Նովոստի» լրատվական գործակալությունը: «Այո, նման հանդիպման նախապատրաստական աշխատանքներ են տարվում, և այն բանից հետո, երբ վերջնականապես համաձայնեցվեն ու հաստատվեն անցկացման ժամկետները, մենք իսկապես կհաղորդենք», - հայտարարել է Պեսկովը՝ հավելելով, որ հանդիպումը պետք է տեղի ունենա տարվա երկրորդ կեսին:
