Արդեն հայտնել էինք, որ 90-ականների հայտնի և սիրված երգիչ Վահե Դավթյանիմոտ հայտնաբերվել է ենթաստամոքսային գեղձի քաղցկեղ եւ դրամահավաք է իրականացվում՝ նրա կյանքը փրկելու նպատակով բուժման ծախսերը հոգալու համար:
«Սիրելիներս, ծանոթ ու անծանոթ բարի մարդիկ,
Երկար ժամանակ առողջական վիճակիս մասին չգրելուս պատճառն այն էր, որ ոչ հուսադրող լուրեր ունեի կիսվելու ձեզ հետ, ոչ էլ ի վիճակի էի։
Վերջապես հնարավորություն ունեմ տեղեկացնել ձեզ առողջական վիճակիս մանրամասներին.
Քիմիոթերապիայի առաջին փուլի (4 կուրս) ավարտից հետո լեղուղիներիս խցանման պատճառով 2 շաբաթ գտնվում էի Մոսկվայի հիվանդանոցներից մեկում, որտեղ 3 տարբեր վիրահատական միջամտությամբ ստենտավորում կատարեցին, սակայն վարակման (ինֆեկցիայի) արդյունքում ինքնազգացողությունս կտրուկ վատացավ, որն էլ շտապ Ֆրանսիա մեկնելու որոշման առիթը հանդիսացավ։ Փարիզի Կոշեն հիվանդանոցում (Hopital Cochin) մեկ այլ վիրահատական գործողության և կոմպլեքս մոտեցման շնորհիվ բժիշկներին հաջողվեց վերացնել վարակի աղբյուրը։
Այժմ, վիճակս կայուն է, թեև երբեմն սուր ցավերը հանգիստ չեն տալիս։
Քիմիաթերապիան անհապաղ վերսկսելու անհրաժեշտություն կա, սակայն ֆինանսավորման խնդիր է ծագել։
Տեղական օրենքների համաձայն, անվճար բուժօգնության արտոնություններին կարող են հավակնել միայն շտապ և ծայրահեղ (օրհասական) դեպքերը, ինչպես նաև երկրում առնվազն 3 ամիս ապրած անձինք, այդ իսկ պատճառով քիմիոթերապիայի 2-րդ փուլի համար նույնպես պետք է վճարեմ ես։
Հարազատներս, ևս մի անգամ ստիպված եմ դիմել Ձեր օգնությանը, որպեսզի կարողանամ հաղթահարել նաև այս փուլը։
Անչափ երախտապարտ եմ բոլորիդ, որ կողքիս եք և շարունակում եք աջակցել ինձ և ընտանիքիս։ Ձեր օժանդակությունն անգին է ։
Գրկում եմ բոլորիդ
Ձեր Վահե Դավթյան
Հաշվեհամարներ` VTB Հայաստան բանկ
AMD 16072020857026
USD 16072020857027
EUR 16072020857028
RUR 16072020857029
Ստացող Դավթյան Սիրանուշ
Idram ID 737646503
Իդրամ համակարգով կարող եք փոխանցում կատարել ցանկացած տերմինալից»:
Փոխանցումներ կարող եք անել նաև GoFundMe հարթակի միջոցով: