Հայաստանում ոլորտային հասարակական կազմակերպությունների դերը պետք է այն լինի, որ օգնեն պետությանը, կառավարությանը՝ ուշադրություն դարձնել այնպիսի ուղղությունների, որոնք կբերեն երկրի տնտեսության զարգացմանը։
Այս մասին լրագրողների հետ զրույցում ասել է ԶՊՄԿ գլխավոր տնօրենի առաջին տեղակալ, Հայաստանի հանքագործների և մետալուրգների միության նախագահ Վարդան Ջհանյանը՝ «ՀՀ-ում լիթիումի ուսումնասիրությունների արդի վիճակը և կորզման հիմնախնդիրները» աշխատաժողովի ընթացքում։
«Տնտեսության զարգացումը նշանակում է՝ ուժեղ բանակ, հզոր պետություն և դա է հիմնականը, ամեն ինչի հիմքում տնտեսությունն է։ Այս առումով՝ լինելով պատասխանատու ՀԿ, պատասխանատու մեր հայրենիքի զարգացման համար, մենք ուզում ենք ինչ-որ ճյուղերի վրա ուշադրություն դարձնել, այդ թվում օգնենք կառավարությանը, որ ուշադրություն դարձնի այդ ճյուղերին և ունենանք զարգացում։ Իսկ այն հասարակական կազմակերպությունները, որոնք խանգարում են՝ չեմ ուզում մեկնաբանել»,-ասել է նա։