Գործադիր մարմնի նիստն այսօր սկսվեց Կարեն Կարապետյանի հանձնարարականներով: Վարչապետը, շարունակելով նախորդ շաբաթվա թեման կապված գիշերային ակումբների վերահսկողության հետ, հանձնարարեց հետևյալը.
«Անհրաժեշտ է բազմաբնակարան շենքերից վերացնել գիշերային ակումբները, պարզ ասած՝ ստրիպտիզները: Եթե անհրաժեշտություն լինի, դրանք պետք է նաեւ տեղափոխել այլ վայր: Անհրաժեշտ է ողջամիտ ժամկետներ եւ պայմաններ ստեղծել տնտեսվարողի համար, որպեսզի նա կարողանան ժամանակ ունենալ իր գործունեությունը վերակազմակերպելու համար: Խոսքը վերաբերում է ստրիպտիզ ակումբերի եւ դրա նման զվարճանքի ակումբերին: Բողոքներ կան, որ բազմաբնակարան շենքերի տակ եւ բարոյական կերպարն այն չէ, եւ անհանգստությունը, այդ իսկ պատճառով կարծում եմ, որ մենք պետք է արձագանքենք»:
