ԱԺ նախկին պատգամավոր Աննա Կոստանյանի գրառումը՝ կից տեսանյութով. «Ասում ա` 5 ամիս «չկարեցա» մեր` եսիմ ում (հավանաբար որևէ նախարարի նկատի ունի) բացատրեմ, որ զուգարանում թափանցիկ ապակի չեն դնում։
Դուք հասկանո՞ւմ եք՝ ուր ենք հասել, մի ողջ պետության ղեկավարը զուգարանի պատուհանի հարցով ա զբաղված ու էդ պրիմիտիվ հարցն էլ չի «կարենում» բացատրի ենթականերին։ Էս ի՜նչ տիպի խոտաններով ես շրջապատված, այ Նիկոլ Փաշինյան, բա դու ափսո՞ս չես էդ անիծյալ աթոռին... Սաղ անհասկացող են, բացի քեզնից։ Ո՜նց ես հանուն մեզ բոլորիս էդ կտտանքներին ենթարկվում 2018-ից ի վեր, ախր... Մի քիչ էլ մտածիր վաղվա օրվադ մասին»:

Թարմացված․ Քաղաքագետ Սուրեն Սուրենյանցի ֆեյսբուքյան գրառումը. «Գրեթե բոլոր ոլորտներում նույն անտերությունն է, նաև՝ Զինված ուժերում, բանակում, որտեղ ոչ կանոնադրական հարաբերությունների հետևանքը դառնում են մարդկային զոհերը: Բայց, օրինակ, Սուրեն Պապիկյանը պատասխանատվության չենթարկվեց, երբ անցած տարի 15 զինծառայող ողջակիզվեց:
Ասածս այն է, որ Փաշինյանը երեկվանից «խիստ պրառաբի» դերի մեջ էր, որովհետև կոնկրետ կադրերից ազատվելու խնդիր ուներ:
Գուցե նաև ոչ պաշտոնական քարոզարշավի մեկնարկն է տվել: ՔՊ-ն ինչքան էլ հերքի՝ արտահերթ ընտրություններ Փաշինյանին պետք են՝ առնվազն երկու խնդիր լուծելու համար:
Այլ խնդիր է, որ նա Հայաստանի սուբեկտությունն այնքան է մսխել, որ արտահերթ ընտրությունների բարեհաջող ելքի համար արտաքին երաշխիքներ են պետք, որոնք ստանալ Փաշինյանն առայժմ չի կարողացել:
Այս ամեն ինչը գրեցի, որովհետև ոմանք լուրջ են վերաբերվել «խիստ ղեկավարի» մոնո ներկայացմանը, որը երեկ և այսօր բեմականացնում է վեց տարի գրեթե յուրաքանչյուր ոլորտում ձախողված Փաշինյանը»: