News.am-ը գրում է. «Սասնա ծռերի» անդամ Պավլիկ Մանուկյանը շարունակում է հացադուլը: Մեզ հետ զրույցում նրա փաստաբան Ինեսսա Պետրոսյանը նշեց, որ իր պաշտպանյալին է փոխանցել Ժիրայր Սեֆիլյանի կոչը, որով վերջինը Պավլիկ Մանուկյանին խնդրել է դադարեցնել հացադուլը:
«Հանդիպել եմ Պավել Մանուկյանին, անձամբ տեղեկացրել եմ պարոն Սեֆիլյանի կոչի մասին, ինքը լսելով շատ հուզվեց, արտասվեց, որ իր հրամանատարը նման կոչով է հանդես եկել, սակայն, այս պահի դրությամբ դեռեւս շարունակում է հացադուլը»,-ասաց փաստաբանը:
Ինեսսա Պետրոսյանը նշեց, որ Պավել եւ Արամ Մանուկյանների վիճակները շարունակում է մնալ ծանր. «Նրանք շարունակում են գամված մնալ մահճակալին, նրանց վիրավորումները խորն են: Պավել Մանուկյանն առաջիկա օրերին պետք է վիրահատությունների ենթարկվի»,-ասաց նա:
Փաստաբանը նշեց, որ Պավլիկ Մանուկյանի կալանավորման որոշումն այսօր բողոքարկվելու է Վերաքննիչ դատարան, իսկ Արամ Մանուկյանինը՝ բողոքարկվել է:
Նյութը՝սկզբնաղբյուր կայքում
Ավելի ուշ Պավել Մանուկյանը պատասխանել է Ժիրայր Սեֆիլյանին.
«Միշտ վախեցել եմ անիմաստ և էժան մեռել լինելուց». Պավել Մանուկյանի պատասխանը Ժիրայր Սէֆիլյանին
