ՀՀ ժողովուրդը կկորցնի ռուսական շուկան և ամբողջ Եվրասիական տնտեսական միությունը (ԵԱՏՄ)՝ վարչապետ Նիկոլ Փաշինյանի վտանգավոր քաղաքականության հետևանքով, հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը՝ պատասխանելով «ՌԻԱ Նովոստի»-ի հարցին։
Աղբյուրի փոխանցմամբ՝ Մեդվեդևն ավելի վաղ հայտարարել էր, որ Փաշինյանը Ռուսաստանի հետ հարաբերությունները խզելու ուղի է ընտրել։
«Ինչպես երևում է, նա մեզ հիմար է համարում։ Միևնույն ժամանակ, նա ինքն է մեծ սխալ հաշվարկ կատարել և հետապնդում է մի ուղի, որը չափազանց վտանգավոր է իր երկրի համար», - հայտարարել է ՌԴ Անվտանգության խորհրդի փոխնախագահը։
«Մտածեք այդ մասին. այս շատ յուրահատուկ անհատի գործողությունների հետևանքով ՀՀ ժողովուրդը կկորցնի ռուսական շուկան, ամբողջ Եվրասիական տնտեսական միությունը և տասնամյակների ընթացքում կառուցված տնտեսական կապերը»,-հավելել է նա։
Մեդվեդևը հիշեցրել է, որ Փաշինյանի քաղաքականությունը կարող է ստիպել Երևանին ռուսական գազ գնել եվրոպական գներով, որոնք ներկայիս գնից երեք անգամ ավելի բարձր են։ ՌԴ անվտանգության խորհրդի փոխնախագահը առաջարկել է, որ Հայաստանի վարչապետը հարցնի քաղաքացիներին, թե արդյո՞ք նրանք պատրաստ են ընդունել նման գին։
***
|
Երևանին գրավող գազի արտոնյալ գինը կարող է ձևավորվել շուկայական հիմունքներով, եթե Հայաստանը որոշի դուրս գալ ԵԱՏՄ-ից։ Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։ «Մենք լսել ենք Հայաստանի ղեկավարության հայտարարություններն այն մասին, որ ռուսական գազի և ռուսական էներգակիրների համար գործում է բավականին գրավիչ, առավել քան արտոնյալ գին․ դա իսկապես այդպես է։ Ռուսաստանը շարունակում է մնալ էներգակիրների հուսալի և պատասխանատու մատակարար բոլոր երկրների, հատկապես՝ իր ամենամոտ դաշնակիցների և գործընկերների համար»,- ասել է Պեսկովը։ Միևնույն ժամանակ, նա նշել է, որ «նման ռեժիմը հնարավոր չէ այլ ինտեգրացիոն միավորումների մասնակիցների համար»՝ դա «իհարկե, Եվրոմիությունն է»։ «Այնտեղ գները բոլորովին այլ են՝ շուկայական։ Մեր ընկերները Երևանում դա շատ լավ գիտեն»,- եզրափակել է նա։ |
