Hraparak.am-ը գրում է.
Ինչպես ավելի վաղ հայտնել էինք, երեկ կեսօրին Գյումրու տնակային թաղամասերից մեկում հայտնաբերվել են 80-ամյա մոր եւ 60-ամյա որդու դիակները: Մոր եւ որդու մահը վրա էր հասել միաժամանակ: Դիակների վրա արտաքին զննությամբ բռնության հետքեր չեն եղել:Շրջանառվող լուրերի համաձայն՝ մահը վրա էր հասել սննդային թունավորումից, քանի որ սնվել էին փողոցում հայթայթած սնունդով: Դեպքով հետաքրքրված էին նաև Հիվանդությունների վերահսկման եւ կանխարգելման կենտրոնի աշխատակիցները, ովքեր փորձում էին ճշտել դեպքի մանրամասներն ու հանգամանքները:
Ինչպես քիչ առաջ տեղեկացանք նշված կենտրոնի աշխատակիցներից, ոստիկանությունը պատրաստվում է դեպքի առթիվ հաղորդագրություն տարածել՝ հերքելով թունավորման վարկածը: Ոստիկանության մեր աղբյուրի փոխանցմամբ` դատաբժշկական փորձաքննության արդյունքներից պարզ է դարձել, որ մայր եւ որդի Հակոբյանների մոտ առկա են գանգուղեղային փակ վնասվածքներ, ինչից կարելի է ենթադրել, որ նրանց սպանել են՝ բութ գործիքով հարվածելով գլխի հատվածներին:
Առավել մանրամասն՝ սկզբնաղբյուր կայքում
