Երևանի ավագանու «Բարև Երևան» խմբակցության անդամ Անահիտ Բախշյանը ֆեյսբուքյան իր էջում գրում է.
«Ի՞նչ է ուզում ասել ոստիկանությունը: Ասում է՝ ես թքել եմ ՀՀ Սահմանադրության վրա, Մարդու իրավունքների միջազգային կոնվենցիաների վրա, ես գործելու մի ձև գիտեմ՝ դժգոհ քաղաքացիներին բռնել, տանել ոստիկանություն ու <մշակել> և վե՛րջ: Ուշքի եկեք, սա գործելաձև չէ, սա մեր ազատասեր ժողովրդի նկատմամբ ահաբեկչություն է: Հիշե՛ք, թե մեծն Դերենիկ Դեմիրճյանն ինչպես է բնութագրել ՀԱՅԻՆ, «Ոչինչ չեմ ուզում ձեզնից,- ասում է նա իր նեղիչներին, - ձեզ լինի ձեր լուծը, ձեզ լինի ձեր երջանկութիւնը, գնացեք՛ , ապրեցեք՛ խաղաղ և երջանիկ։ Եթէ դուք սիրում էք կեանքը, ես սիրում եմ կեանքից աւելի թանկ բանը՝ Ազատութիւնը...» :
Տեսնես ոստիկաններից մեկն ու մեկը կարդացե՞լ է, չէ՞ որ ինքն էլ է ՀԱՅ, էս խոսքերն իրեն էլ են վերաբերվում»:
