Լրագրող Ոսկան Սարգսյանի ֆեյսբուքյան գրառումը․ «Քիչ առաջ սահմանապահ զինվորը Ոսկեպարի 7-րդ դարի Սուրբ Աստվածածին եկեղեցու մոտակա տարածքում վիրավորվել է հակահետևակային ականի պայթյունից։ Նրա ոտնաթաթը պոկվել է»։
Լրագրողը մեկ այլ գրառմամբ հայտնում է․ «Այսօր՝ հունիսի 6-ին Ոսկեպարի Սուրբ Աստվածածին եկեղեցու մոտ ականի պայթյունից վիրավորված ԱԱԾ սահմանապահ զորքերի զինծառայողը 2000 թվականի ծնունդ է։ Ծագումով Աշոցքից զինծառայողը ներկայումս բուժօգնություն է ստանում Նոյեմբերյանի բժշկական կենտրոնում»։

***

ՀՀ Ազգային անվտանգության ծառայությունը հաղորդագրություն է տարածել․ «Սույն թվականի հունիսի 6-ին՝ ՀՀ Տավուշի մարզի Ոսկեպար համայնքի Սուրբ Աստվածածին եկեղեցու հարակից տարածքում, ականի պայթյունի հետևանքով վիրավորում է ստացել ԱԱԾ սահմանապահ զորքերի սահմանապահ վերակարգի պայմանագրային զինծառայող սերժանտ Նարեկ Սերգոյի Գարեգինյանը (ծնվ. 2000թ)։ Նարեկ Գարեգինյանի կյանքին վտանգ չի սպառնում։

Ներկայումս իրականացվում է վերջինիս տեղափոխումը Երևանի բուժհաստատություն։

Դեպքի հանգամանքները պարզվում են»։