Մայիսյան եռատոնին և ապրիլյան քառօրյա պատերազմում զոհված զինվորներին և ազատամարտիկներին նվիրված «Ոչ-ոք չի մոռացել ու ոչինչ չի մոռացվել» խորագիրը կրող միջոցառում էր կազմակերպվել Մերձավան համայնքի երիտասարդների կողմից՝ համայնքի ղեկավար Լևոն Գրիգորյանի գլխավորությամբ:
«Ի հիշատակ Արցախյան ազատամարտի հերոսների» գրությամբ տեղադրվեց խաչքար և ցայտաղբյուր, որը օրհնեց Փարաքար եկեղեցու թեմի առաջնորդ Տեր Գեղամը: Միջոցառմանը մասնակցում էին նաև մոտակա զորամասի զինվորականները, ազատամարտիկները և զոհված զինվորների և ազատամարտիկների ընտանիքները: Զինվորականները մթնոլորտը էլ ավելի հուզական դարձրեցին՝ ընթերցելով իրենց զորամասի հրամանատար պետրոսյանի ուղերձը: Մինչ ուշ գիշեր թևածում էր երգն ու պարը, որը ապահովել էին Մերձավանի միջնակարգ դպրոցի աշակերտները:
