Հունիսի 2-ին Արագածոտնի մարզի Աշտարակ թիվ 5 դպրոցի աշակերտները  տեղի համայնքի բնակիչների և բազմաթիվ հյուրերի  մասնակցությամբ նշեցինիրենց համայնքի նորակառույց ավտոբուսային կանգառի բացումը: Կանգառը կառուցվել է Աշտարակի թիվ 5  դպրոցի աշակերտների ջանքերով, ովքեր ընդգրկված են HSBC ԲանկՀայաստանիկողմից հովանավորվող «Ձեռնարկատիրական և քաղաքացիական կրթություն» ծրագրում: Այդ կրթական ծրագիրն իրականացվում է «Հայաստանի պատանեկան նվաճումներ» կազմակերպության կողմից՝ հանրապետության ավելի  քան 75 դպրոցներում: 

«Ես անչափ ոգևորված եմ տեսնել, թե ինչպես են երիտասարդները ակտիվորեն մասնակցում համայնքի բարելավման ծրագրերին: Նրանք անկասկած Հայաստանի ապագա առաջնորդներն են» - նշեց Արմինե Հովհաննիսյանը, Հայաստանի պատանեկան նվաճումներ ՀԿ տնօրեն:

Ծրագրի շնորհիվ աշակերտներն ուսումնասիրել են ազատ շուկայական համակարգի սկզբունքները և  գործարար ընկերություններ հիմնելու միջոցով հնարավորություն են ունեցել ձեռք բերված գիտելիքները կիրառել իրական կյանքում՝  կատարելով շուկայական հետազոտություն,  արտադրելով և շուկահանելով  ապրանք կամ  ծառայություն:

 Աշակերտները  միաժամանակ ծանոթացել  են նաև  կորպորատիվ սոցիալական պատասխանատվությանը և իրենց գործարար շահույթից մասհանում են կատարել համայնքային  ծրագրեր իրակակացնելու նպատակով:

 Իրենց բարեգործական հանրային  առաքելություններն իրականացնելու նպատակով  աշակերտները հիմնել  են հասարակական կազմակերպություն՝ հնարավորություն ստանալով իրականացնել  նախատեսած համայնքային  ծրագրերը:

 «Հայաստանի պատանեկան նվաճումներ» կազմակերպությանը ներկայացրած բավականին հաջող դրամաշնորհային առաջարկի շնորհիվ ծրագրի մասնակիցներին շնորհվել է 150 000 ՀՀ դրամ գումարի չափով մրցանակ:  

Այդ միջոցներով , ինչպես նաև Աշտարակի քաղաքապետարանի և համայնքի բնակիչների աջակցությամբ աշակերտները  կանգառի համար նախատեսված տարածքը մաքրել են  աղբից, կառուցել են  կանգառի քարե շինությունը և կանաչապատել են կանգառի  հարակից տարածքը:

« Մենք անչափ հուզված  ենք, որ կարողացանք լուծելմեր  առջև դրված խնդիրը, քանի որ իսկապես ցանկանում էինք նվեր անել մեր համայնքին: Ավտոբուսի կանգառը ծածկ չուներ և մենք շատ հաճախ տեսնում էինքմերընկերներին և հարևաններինբացկանգառում անձրևի տակ կանգնած՝ ավտոբուսին սպասելիս: Մենք շատ երջանիկ ենք, որ այժմ մարդիկ կլինեն եղանակից պաշտպանված և  կզգան նոր կանգառի հարմարավետությունը:  Հուսով եմ, որ մենք կշարունակենք մեր աշխատանքները և մեր համագյուղացիներին  օգնելու նպատակով կձեռնարկենք նաև այլ ծրագրեր » - նշեց ծրագրի մասնակիցներից Մերի Միքայելյանը:

HSBC Բանկ Հայաստանի գլխավոր տնօրեն Թիես Քլեմենցն ասաց. «Ես հիացած եմ տեսնելով, թե  ինչպես են մեր համայնքային ներդրումները կյանքի  կոչվում` իրապես փոխելով մարդկանց և երիտասարդների կյանքը: HSBC բանկը  «Հայաստանի պատանեկան նվաճումներ» ՀԿ-ի հետ համագործակցում է արդեն շուրջ 10 տարի` ներդրումներ իրականացնելով երկարաժամկետ և հաջողված ծրագրերում: Կրթության բնագավառում իրականացվող մեր համատեղ ծրագրեն ուղղված են օգնելու երիտասարդներին` զարգացնելու իրենց ներուժը և, իսկ «Ձեռնարկատիրական և քաղաքացիական կրթություն» ծրագիրը կատարելապես ծառայում է այդ նպատակին»:

Մանրամասն տեղեկությունների համար կարող եք այցելել  «Հայաստանի պատանեկան նվաճումներ»  կազմակերպության վեբ կայքը`www.jaarmenia.org: