Երևանում, օրերս, առաջին անգամ կազմակերպվեց «Նորաձևության և արվեստի ցուցահանդես-բարեգործական վաճառք» միջոցառումը, որի նախաձեռնող Տարիել Բիշարյանը Երևան էր ժամանել Միլանից ու Հայաստանի մայրաքաղաք հրավիրել ինչպես հայտնի դիզայներներ արտասահմանից, այնպես էլ հայ սկսնակ դիզայներներ։
Բարեգործական վաճառքի ողջ հասույթը տրամադրվել է «Օրրան» բարեգործական կազմակերպությանը։ Հենց «Օրրան»-ում էլ գործում է կարի խմբակ, որի սաները, Տարիել Բիշարյանի նախաձեռնությամբ, աշխատել են դրսից եկած հյուրերի հետ և իրենց հագուստները մի փոքր ձևափոխելով ներկայացրել են միջոցառմանը։
Տարիել Բիշարյանին , նախաձեռնության համար, իր շնորհակալությունն է հայտնել «Օրրան»-ի հիմնադիր Արմինե Հովհաննիսյանն ու կարևոր է համարել նման միջոցառումների անցկացումը ու դրանցում նաև «օրրան»-ցիների ներգավումը։
