Այսօր լրագրողների հետ զրույցում ՀԱՕԿ գլխավոր քարտուղար Հրաչյա Ռոստոմյանը հայտարարել է, որ Օլիմպիական փոխչեմպիոն Միհրան Հարությունյանի մենամարտի արդյունքը կբողոքարկվի:
«Մենք որոշակի խնդիրներ ունենք, թե ինչի համար ենք բողոքարկում: Մենք պետք է բողոքարկենք պասիվության համար, սակայն այն ինքն իրենով սուբյեկտիվ որոշում է»,- նշել է Հրաչյա Ռոստոմյանը:
Ըստ նրա խոսքերի` ՀԱՕԿ-ն համագործակցում է միջազգային իրավաբանների հետ, որոնք աշխատում են այդ ուղղությամբ:
«Երբ իրենք իրենց եզրակացությունը կտան, թե ինչ ձևաչափով կարող ենք բողոքարկել, անմիջապես այդ բողոքարկումը կլինի»- ասել է ՀԱՕԿ գլխավոր քարտուղարը` ավելացնելով, որ այդ գոտեմարտը «լկտի» և «անբարո» ձևով իրականացավ:
