Առաջիկայում Երևանում տեղի է ունենալու ՀԱՊԿ (Հավաքական անվտանգության պայմանագրի կազմակերպություն) խորհրդարանական ժողովի խորհրդի արտագնա նիստը: Քննարկվելու են ՀԱՊԿ-ի առջև ծառացած խնդիրները, ահաբեկչության դեմ պայքարը, իրավիճակը՝ Հարավային Կովկասում.
«Մենք կխոսեք նաև հակառակորդի կողմից դիվերսիոն գործողությունների մասին: ՀԱՊԿ-ում կան պետություններ, որոնք խորհրդարանական վեհաժողովներում պաշտպանում են մի դիրքորոշում, որը ՀԱՊԿ-ի շահերից չի բխում, էլ չեմ ասում՝ ՀՀ-ի: Մեզ համար ընդունելի չէ, երբ որ մեր դաշնակիցները կրավորական կեցվածք են ընդունում: Ուստի կքննարկվի նաև ռազմաքաղաքական իրավիճակը մեր տարածաշրջանում և կներկայացնենք հարցի լուծման մեր տարբերակները»,-լրագրողների հետ հանդիպման ժամանակ ասաց ՀՀ Ազգային ժողովի փոխխոսնակ, ՀՀԿ մամուլի քարտուղար Էդուարդ Շարմազանովը:
Անի Կարապետյան
