ՀՀԿ ԳՄ նիստից հետո, որը վարել է ՀՀԿ նախագահ Սերժ Սարգսյանը, ՀՀԿ խոսնակ Էդուարդ Շարմազանովը լրագրողների հետ ճեպազրույցում ասել է, որ նիստի ընթացքում քննարկվել են ներքաղաքական հարցեր: Անդրադառնալով վարչապետի պաշտոնին՝ Շարմազանովն ասել է. «ՀՀԿ-ն չի պատրաստվում մինչեւ ապրիլ ամիս քննարկել վարչապետի, փոխվարչապետի թեկնածուների հարցեր: Կուսակցությունը հաշվի առնելով ՀՀ քաղաքացու կարծիքը վարչապետի պաշտոնում կառաջադրի այն անձին, որը կարող է կատարել սահմանադրական պահանջը: Մենք չենք դանդաղում, դուք եք շտապում»: