ՌԴ վարչապետ Դմիտրի Մեդվեդևն իր միկրոբլոգում հրապարակել է իր և Ռիոյի Օլիմպիական խաղերի սուսերամարտի կրկնակի չեմպիոնուհի Յանա Եգորյանի սելֆին, որը արվել է երեկ մարզիկների պարգևատրման արարողության ժամանակ:
Հիշեցնենք, որ մրցանակների հանձնման հանդիսավոր արարողությունը տեղի է ունեցել Կրեմլի հրապարակում: Կառավարության ղեկավարը գնահատել է Ռիոյի Օլիմպիական խաղերի սուսերամարտի կրկնակի չեմպիոնուհի Յանա Եգորյանի մեքենան, ինչպես նաև սինքրոն լողի կրկնակի չեմպիոնուհիներ Նատալյա Իշչենկոյի և Սվետլանա Ռոմաշինայի մեքենաները:
Մեդվեդևի գովեստի խոսքերից հետո հայազգի Յանա Եգորյանն առաջարկել է Մեդվեդևին տեղ հասցնել իր նոր BMW X6 մեքենայով: Կառավարության ղեկավարը նախ համաձայնել է սուսերամարտուհու առաջարկին, սակայն ավելի ուշ Կարմիր հրապարակից հեռացել է սեփական ավտոշարասյունով:
