Yahoo.com կայքը անդրադարձել է Քիմ Քարդաշյանի հայկական արմատներին ու Հայաստան կատարած այցելությանը: Ամերիկահայ աստղը իր կյանքը հանրության սեփականություն է դարձրել՝ ներկայացնելով անգամ իր զգեստապահարանը, բայց նրա հայկական արմատների մասին ամմբողջ աշխարհն իմացավ նրա ՝Հայաստան կատարած այցելությունից հետո: Անցած տարվա ապրիլին Քիմ Քարդաշյանը հարցազրույց է տվել Time ամսագրին, որի ժամանակ էլ անդրադարձել է իր հայկական արմատներին:
«Երբ փոքր էինք, հայրս՝ Ռոբերտ Քարդաշյանը, հաճախ էր պատմում հայերի, Հայաստանի մասին: Մենք սնվում էինք հայկական սնունդով, լսում հայկական երաժշտություն, դա մեր կյանքի մի մասն է»,-նշել է Քիմը:
«1915 թվականին Հայոց ցեղասպանության ժամանակ նախնիներս գաղթել են ԱՄՆ: Օսմանյան կայսրությունը կոտորեց 1.5 մլն հայերի: Եթե նախնիներս չգաղթեին, միգուցե, այսօր մենք չէինք լինի»,- ասել է հայազգի Քիմ Քարդաշյանը՝ անդրադառնալով իր գերդաստանի պատմությանն ու իր նախնիների՝ Ամերիկա գաղթելուն:
«Քարդաշյանների այցը Հայաստան մեծ աղմուկ բարձրացրեց Հայոց ցեղասպանության շուրջ: Նրանց շնորհվ ինֆորմացիան մեծ տարածում ունեցավ: Նրանք կոչ էին անում վերականգնել արդարությունն ու բացառել հետագայում նման ոճրագործությունների կրկնությունը»,- ABC News պարբերականիի հետ զրույցում նշել էր Վաշիգթոնի հայ դատի գրասենյակի խոսնակ Էլիզաբեթ Չուլջյանը:
«Ես կիսով չափ հայ եմ: Մեծացել եմ հայկական արմատներիս կապված: Ես հարգում եմ իմ նախնիներին և ցանկանում եմ, որ երեխաներս դաստիրակավեն նույն ոգով»,- ասել է Քիմը:
Հայազգի աստղը հրապարակավ կոչ է արել Թուրքային ճանաչել Հայոց ցեղասպանությունը. «Ժամանակն է, որ նրանք ընդունեն դա... »: Նա նաև կոչ է արել ԱՄՆ նախագահ Բարաք Օբամային հնչեցնել Ցեղասպանություն բառը, մի բան, որշը մինչ այժմ նախագահը չի արել:
