«Հայաստանի ձայնը 2013» հեռուստանախագծի հաղթող Մաշա Մնջոյանը ավստրալական «Ձայն»-ի կույր լսումների ընթացքում փայլուն ելույթից հետո հանդիսատեսին գերել է նախագծի երկրորդ փուլում։
Մաշան «մենամարտել» է Էլլա Մոներիի հետ՝ նրա հետ կատարելով Արետա Ֆրանկլնի «Respect» հիթը։ Ժյուրիի անդամները երգչուհիներին հոտնկայս են ծափահարել։
Նրանց մարզչի՝ Քելի Ռոուլենդի որոշմամբ՝ հաջորդ փուլ անցել է Էլլա Մոներին։ Սակայն մեկ այլ մարզիչ՝ Բոյ Ջորջը, փրկել է հայ երգչուհուն, ինչի արդյունքում նա հաջորդ փուլ է անցել։
