«Օհանյան-Րաֆֆի-Օսկանյան» դաշինքի անդամները Հայաստանի սահմանամերձ շրջաններում են։ «Անցնելով սահմաններով, ում հետ որ շփվում ենք, տեսնում ենք, որ մի մասի մոտ տրամադրությունը բարձր է, որոշ մարդկանց մոտ մենք տեսնում ենք վախվորածություն։ Հավաքները ցույց են տալիս, որ մարդիկ իշխող կուսակցությունից վախենում են։ Մարդիկ ասում են՝ մենք ձեզ կաջակցենք, մենք ձեր կողքին ենք, բայց պետք չի որ մենք գանք, որևէ տեղ երևանք»,-ասում է Սեյրան Օհանյանն ու ավելացնում. «սա ոչ միայն անընդունելի է, այլ բարոյականությունից զուրկ իրավիճակ է ստեղծված, որին պետք է վերջ տալ»։