Իրավապաշտպան Արթուր Սաքունցը գրում է. «Սա Մնացական Մարտիրոսյանի՝ ԲԴԽ-ի կողմից Երևան քաղաքի ընդհանուր իրավասության քրեական դատարանի նախագահ նշանակված, Հայաստանի Հանրապետության որպես ինքնիշխան, ժողովրդավարական, իրավական ու սոցիալական պետության դատավորի, արդարադատություն իրականացնողի թելեգրամյան էջի լուսապատճենն է։
Մացո Սուրբի համար սրբություն է այլ պետության ղեկավարը, մի պետության ղեկավարը, որը ոտնատակ է տալիս այլ պետության, այդ թվում՝ Հայաստանի Հանրապետության, ինքնիշխանությունը, որը ոտնատակ է տալիս իրավական պետության, ժողովրդավարական պետության, սոցիալական պետության բոլոր սկզբունքները։
Հիմա ԲԴԽ-ն ի՞նչ արժեքային չափանիշներով է ղեկավարվում նման որոշում կայացնելու համար։
Լավ չե՞ք, հո հիվանդ չեք, կամ հո գրիպ չեք ընկել կամ էլ դեռ COVID 19-ից չեք բուժվե՞լ»։