2020 թվականը Հայֆիլմի հնաբնակներից մեկի՝ բեմադրող նկարիչ Լիդա Գևորգյանի համար կրկնակի հոբելյանական է։ Արվեստագետը տոնում է ծննդյան 80 և ստեղծագործական կյանքի 50-ամյա հոբելյանները։
Խորհրդային տարիներին կինոյում երկու կին կինոբեմադրիչ է եղել, որոնցից մեկը Լիդա Գևորգյանն է։
Իր ստեղծագործական բեղմնավոր կյանքի նշանակալի մի հատվածը Լիդա Գևորգյանը անցկացրել է Հայֆիլմի ոսկե դարաշրջանում՝ որպես բեմադրող-նկարիչ ստեղծելով «Կտոր մը երկինք», «Նահապետ», «Մայրական տուն», «Ճերմակ անուրջներ», «Ծաղրածուի ժպիտը», «Ախթամար», «Ավդոյի ավտոմեքենան», «Տերը», «Ու՞ր էիր, մարդ Աստծո», «Ատամնաբույժն արևելյան» և շատ այլ ֆիլմեր։
Ստեղծագործական կյանքի այս բուռն շրջանում համագործակցել է ռեժիսորներ Հենրիկ Մալյանի, Առնոլդ Աբրահամյանի, Սերգեյ Իսրայելյանի, Էդմոն Քոսայանի, Էռնեստ Մարտիրոսյանի, հանճարեղ դերասաններ Մհեր Մկրտչյանի, Խորեն Աբրահամյանի, Սոս Սարգսյանի, տաղանդավոր օպերատորներ Ալբերտ Յավուրյանի, Լևոն Աթոյանցի և այլոց հետ։
Որպես բեմադրող նկարիչ հանդես է եկել «Էրեբունի-Երևան», «Մեկ ազգ, մեկ մշակույթ» և այլ մեծամասշտաբ միջոցառումների ժամանակ։
2010թ. արժանացել է ՀՀ մշակույթի նախարարության ոսկե մեդալի։
Շնորհավորում ենք սիրելի Լիդա Գևորգյանին ծննդյան և ստեղծագործական կյանքի հոբելյանների առիթով, մաղթում նրան քաջ առողջություն, ստեղծագործական անկասելի վերելքներ։