Քննարկվում է ԱԺ եվրոպական ինտեգրման հարցերի մշտական հանձնաժողովի նախագահի ընտրության հարցը։ «Ուժեղ Հայաստան» խմբակցությունը նշված հանձնաժողովի նախագահի պաշտոնում ընտրելու համար առաջադրել է Արեգա Հովսեփյանի թեկնածությունը։ «Եղան հարցեր, որոնց մոտիվն ինձ մինչև վերջ հասկանալի չէ: Արցախցի կնոջը նայելով՝ ասում են՝ դուք ճանաչո՞ւմ եք Արցախն Ադրբեջանի կազմում: Մարդիկ, ովքեր Արցախը հանձնել են, արցախցի կնոջն ասում են՝ դե ճանաչեք Արցախն Ադրբեջանի կազմում: Սա հակամարդկային է»,- իր ելույթում ասաց ընդդիմադիր պատգամավոր Աննա Գրիգորյանը՝ շարունակելով. «Կամ մյուս հարցադրումը՝ իսկ ինչո՞ւ էթնիկ զտման ենթարկվելու ժամանակահատվածում, տիկի՛ն Հովսեփյան, դուք հենց Ստեփանակերտում չէիք: Լավ է՝ չհարցրեցին՝ իսկ ինչո՞ւ էն բենզալցակայանում չէիք, որ պայթեց»: