Ինֆորմացիան այս հղումով թարմացվում է։ Տեսանյութերին ու իրադարձությունների զարգացումներին հետևեք նաև Asekose.am-ի տելեգրամյան ալիքում:
***
|
Այսօր Կիրանցում Տավուշի մարզպետ Հայկ Ղալումյանը փակ հանդիպում է ունեցել բնակիչների։ «Եկել էր հերթական անգամ համոզեր, փոխհատուցում առաջարկեր։ Ժողովրդի մեջ պառակտում գցեց, գնաց, ամեն մեկին մի բան ասեց»,-ասում է հանդիպման ներկա կիրաննցցին։ «Թե՛ կամուրջը, թե բնակելի տներից, թե՛ մեր հողերը՝ 65 հա վարելահող, մնում են ադրբեջանական կողմում»,-ասում են բնակիչները։ |
***
Այս պահի դրությամբ Կիրանցի բնակիչները շարունակում են փակ պահել միջպետական ճանապարհը։ Այս մասին իր ֆեյսբուքյան էջում գրել է «Հայաստան» խմբակցության պատգամավոր Գառնիկ Դանիելյանը։
«Ինձ հետ զրույցներում կիրանցեցիները վերահաստատեցին, որ չեն ուզում լսել փոխհատուցման մասին որևիցե խոսակցություն»,- նշել է նա։
Ավելի վաղ Դանիելյանը հայտնել էր, որ ուղևորվում է Կիրանց՝ ծանոթանալու իրավիճակին:
***
Լրագրող Ոսկան Սարգսյանի ֆեյսբուքյան գրառումը․ «Սարիգյուղ-Բերքաբեր խաչմերուկից ներքև գտնվող հատվածում կրկին ոստիկանական անցակետ է տեղակայվել։
«ArmeniaSputnik»–ի թղթակիցը հայտնում է, որ ոստիկանները կանգնեցնում են դեպի Տավուշի մարզ ընթացող մեքենաներն ու հարցնում` կոնկրետ ուր են գնում։ Հակառակ ուղղությամբ ընթացող մեքենաներն անարգել անցնում են անցակետը, նրանց հարցեր չեն տալիս»։
