Հայաստանի վարչապետներից շատերն են  կախարդական փայտիկ ուզել…

Հիշենք. 

Տիգրան Սարգսյան.

«Ես կախարդական փայտիկ չունեմ». 29.08.2011

Հովիկ Աբրահամյան.

«Մենք կախարդական փայտիկ չունենք». 28.10.2014

Կարեն Կարապետյան.

«Մենք պետք է հասկանանք, որ կախարդական փայտիկ չկա». 14.09.2016

Կախարդական փայտիկին՝ Կարեն Կարապետյանի կողմից անդրադարձը բուռն քննարկումների առիթ է դարձել համացանցում:

Մկրտիչ Կարապետյանն, օրինակ, գրել է.

«Երկու-երեք տարին մեկ ինչ-որ մարդիկ ամենաբարձր ամբիոններից ինչ-որ փայտիկ են ուզում, գտեք, տվեք, մենք էլ պրծնենք, իրանք էլ», որին մեկ այլ օգտատեր արձագանքել է. «Ասում էն՝ կա էդ փայտիկը, բայց հազիվ մեզ հերիքի. Դուք հույս չունենաք»:

Անուշ Սեդրակյանի արձագանքն ավելի կոշտ էր՝ չնայած նաև հումորային. «Կառավարությունում էսքան գերան կա, ընկած փայտիկ եք ման գալիս»:

«Թերևս թքեցինք կախարդական փայտիկին...»,-գրել է Առաքել Սեմիրջյանը, որին ֆեյսբուքյան մեկ այլ օգտատեր հետևյալն է պատասխանել՝ «Եվ շատ վաղուց, երբ ազգովի ընկած տղամարդ էինք փնտրում»:

Մկրտիչ Իսրայելյանն էլ, արձագանքելով վարչապետի այսօրվա հրահանգին, գրել է. «Էս կարող է կախարդական փայտիկը վերջապես գտան ....Վարչապետ Կարեն Կարապետյանն իրավասու մարմիններին հանձնարարել է աշխատանք տանել գազի ու էլեկտրաէներգիայի սակագնի վերանայման ուղղությամբ»:

Ծաղկաքաղեց Ա.Գ.-ն