Այսօր կառավարության նիստում Մշակույթի նախարարը ներկայացրեց պատմամշակութային հուշարձանների պահպանության, օգտագործման և հանրահռչակման` 2016-2020 թվականների ռազմավարությանը և միջոցառումների ծրագրին հավանություն տալու մասին խնդիրը: Հասմիկ Պողոսյանը շատ երկար ու մանրամասն ներկայացրեց հարցը՝ թվարկելով բոլոր ընթացակարգերը:
Կարեն Կարապետյանը հարցրեց. «Այս ընթացակարգերը մինչ այս գոյություն չունեի՞ն»: Մշակույթի նախարարը կրկին երկար ու մանրամասն պատասխանեց վարչապետի հարցին, որին Կարեն Կարապետյանն արձագանքեց. «Ես առաջարկում եմ զեկուցողներին` քանի որ անցնում ենք համապատասխան ատյաններ, զեկույցը մաքսիմալ լակոնիկ ձևակերպել, եթե հնարավոր է»:
