ԱԺ-Կառավարություն հարցուպատասխանի ժամանակ «Ելք» խմբակցության պատգամավոր Էդմոն Մարուքյանը վարչապետին հարց է տվել Հայաստանում արտերկրից ներդրումների մասին ու նշել. «Ես գիտեմ դեպք, որ միջազգային դատարան են ուզում դիմել Հայաստանում ներդրողին «քցելու» համար»: Մարուքյանի մյուս հարցը Կարեն Կարապետյանի պաշտոնին էր վերաբերում. «Դուք ժամանակին ասել եք, որ պատրաստ եք վարչապետ աշխատել, հիմա ոնց որ առաջին փոխվարչապետն եք դառնալու: Այդ դեպքում բիզնես-միջավայրը կկայունանա՞»: «Այո, ասել եմ, բայց այդ հարցի շուրջ քննարկում դեռ չկա»,-պատասխանել է Կարեն Կարապետյանը։