Հայաստանի վարչապետի փոփոխությունը ռուսական մամուլի ուշադրության կենտրոնում է:
"Московский комсомолец"-ը մասնավորապես, գրել է, որ Երևանը հուլիսին ցնցած բողոքի ակցիաներն իշխանություններին հասկացնել տվին, որ առանց բարեփոխումների առաջ գնալ այլևս հնարավոր չէ:
Մեկ օորւմ գործող վարչապետի հրաժարականով և այդ պաշտոնում դրական իմիջ ունեցող Կարեն Կարապետյանի թեկնածության առաջադրումով, ըստ "Московский комсомолец"-ի, Սերժ Սարգսյանը մեծ հույսեր ունի, որ նոր ձևավորվող գործադիր մարմինը փոքր ինչ կվերականգնի իշխանության հանդեպ վստահությունը:
Ռուսական լրատվամիջոցոը գրում է, թե Կարեն Կարապետյանը կարող է համախմբել նաև քաղաքական տարբեր ուժերին, իսկ անդրադառնալով ասեկոսեներին, որ ապագա վարչապետը հեռու բարեկամ է ՀՀ 2-րդ նախագահ Ռոբերտ Քոչարյանի հետ, գրում է, որ նա նախկին նախագահի կնոջ՝ Բելլա Քոչարյանի հետ ավելի մտերիմ ազգակցական կապ ունի:
