Հունիսի 1-ին նշվում է Երեխաների պաշտպանության միջազգային օրը: Չնայած որ օրը շաբաթ էր, ինչպես նաև տոնական` ոչ աշխատանքային, «Մուրզիլկա» մանկապարտեզը հայտարարել էր բաց դռների օր՝ իր սաների համար և ոչ միայն:
Երեխաներին ուրախացնելու էին եկել ծաղրածուներն ու խաղավարները, ովքեր իրենց շոու ծրագրերով, աճպարարությամբ ու անակնկալ համարներով էլ ավելի տպավորիչ դարձրին փոքրիկների օրը:
Այստեղ էին նաև աղջիկների ամենասիրելի LOL-ն ու տղաների սիրելի BATMAN-ը:
Երեխաների խրախճանքին միացել էին նաև ծնողներն, ինչպես նաև մանկապարտեզի աշխատակազմը:
Ջերմ մթնոլորտում երեխաները տոնեցին իրենց օրը, ուրախացան, պարեցին, երգեցին ու վայելեցին, իսկ մեծերն էլ հույս հայտնեցին, որ փոքրիկներն կապրեն այսօրվա պես անհոգ ու երջանիկ ամբողջ կյանքում:
