Ջավախքում այսօր առավոտյան հայկական եկեղեցու բակում հայ բնակիչներին ծեծելու դեպքի հետ կապված ՀՀ ԱԺ փոխնախագահ, ՀՀ ԱԺ Հայաստան-Վրաստան բարեկամական խմբի ղեկավար Էդուարդ Շարմազանովը հեռախոսազրույց է ունեցել իր վրացի պատգամավոր գործընկերների հետ և անհանգստություն հայտնել այդ դեպքերի առնչությամբ: Նա հույս է հայտնել, որ խնդիրը հնարավորինս շուտ կհանգուցալուծվի: Վրացի խորհրդարանականները ևս նշել են, որ պետք է հնարավոր լարումից խուսափել: