Գերագույն խորհրդի նախկին պատգամավոր Ազատ Արշակյանի կարծիքով՝ Ընտրական նոր օրենսգրքի նախագիծը տառակերության հետևանք է.
«Ընտրական օրենսգրքի հեղինակներն իտալական գործադուլ են անում: Նրանք տառակերության հանձնարարությունը ստացել են, կատարել: ՀՀ-ում պետք է մեկ ընտրատարածք ու ցուցակ լիներ, իսկ սա բավական է, որ ասենք՝ ԸՕ-ն խոտան է ու հակասահմանադրական: Ես ասել եմ, որ միայն մեծամասնականը կամ միայն համամասնականը թերի է: Պատգամավորների 50 տոկոսն ընտրվելու է մեծամասնական տարբերակով, սակայան անհրաժեշտ է ունենալ պատգամավորին հետ կանչելու իրավունք: Քաղաքացին իշխանավորի վրա ազդելու մեկ ձև ունի՝ անվստահություն հայտնելը»,-նկատեց Ազատ Արշակյանը:
ԱԺ ՀՀԿ խմբակցության պատգամավոր Սուքիաս Ավետիսյանը համամիտ չէ նշված կետերի հետ, նրա կարծիքով՝ քաղաքացուն լայն հնարավորություն են տվել:
Անի Կարապետյան
