Ռոբերտ Քոչարյանի որդին՝ Լևոն Քոչարյանը, ֆեյսբուքյան իր էջում տարածել է Արաբական Միացյալ Էմիրություններում տեղի ունեցած Diafa միջազգային մրցանակաբաշխությանը Սիրուշոյի մասնակցությունն ամփոփող տեսանյութ:
Տեսանյութին կից Լևոն Քոչարյանը գրել է. «Հպարտանում եմ քեզանով, ինչպես միշտ»:
Հիշեցնենք, որ Diafa միջազգային մրցանակաբաշխությանն իր ելույթի ժամանակ Սիրուշոն սկսել է օտարերկրացիներին սովորեցնել հայերեն երգել:
Նշենք, որ DIAFA-ն միջազգային մրցանակաբաշխություն է, որի ժամանակ պատվել են աշխարհի բազմաթիվ երկրներից տարբեր ոլորտներում մեծագույն ձեռքբերումների հասած պրոֆեսիոնալների՝ բժշկությունից մինչև կինոարվեստ, սպորտ ու երաժշտություն:
Մրցանակաբաշխությանը ներկա էին դեսպաններ, միջազգային լրատվամիջոցների ներկայացուցիչներ, համաշխարհային աստղեր: DIAFA-ն ուղիղ եթերում հեռարձակել են 6 հեռուտաալիքներ:
