Երևանի ամենաինքնատիպ վայրերից մեկում՝ Ժան Պոլ Էքզիստենցիալ սրճարանում, որ նման է հին բնակարանի և հաճելի  հիշողություններ է արթնացնում այցելուների մոտ  և , ի սկզբանե, աչքի է ընկել իր յուրօրինակ միջոցառումներով, երեկ տարվա այս ժամանակահատվածի համար անսովոր մթնոլորտ էր:

Խենթ  ու օրիգինալ միջոցառումների սիրահարներն ու կազմակերպիչները տոնում էին «2016 ու կես նոր տարին», որն ազդարարեցին ամանորյա ղողանջներն  ու դրան հաջորդած տոնական  երգերը:

Նոր տարվա տրամադրություն ապահովում էին նաև  զարդարված եղևնին, խոզի բուդը, մայրաքաղաքային՝ «ստոլիչնիյ» աղցանը, սենյակում հատուկ ապահովված սառը օդն ու ու բուխարու խոհրդանշական կրակը: 

«2016 ու կես նոր տարվա» ու 2016-ի ամանորյա գիշերվա  միակ տարբերությունն այն էր, որ 00.00-ից հետո հնչեցին ոչ թե  «ավանդական ճառեր», այլ անկեղծ կենացներ:

Միացեք  Ժան Պոլ Էքզիստենցիալ սրճարանին ՝ Ֆեյսբուքում 

Լուսանկարները՝ Ժան Պոլ Էքզիստենցիալ սրճարանի ֆեյսբուքյան էջից