ՀՀ նախագահի այսօրվա հրամանագրով դատավորների նշանակումներ են կատարվել:  Սերգեյ Մարաբյանը նշանակվել է Ավան և Նոր-Նորք վարչական շրջանների ընդհանուր իրավասության դատարանի դատավոր, միաժամանակ դադարեցվել են նրա դատավորի լիազորությունները` Արագածոտնի մարզի ընդհանուր իրավասության առաջին ատյանի դատարանում:

Նույն հրամանագրով Ավանի և Նոր-Նորք վարչական շրջանների ընդհանուր իրավասության առաջին ատյանի դատարանի դատավոր Սամվել Ուզունյանի նշանակվել է Արագածոտնի մարզի ընդհանուր իրավասության դատարանի դատավոր դադարեցվել են նրա դատավորի լիազորությունները` Ավան և Նոր Նորք վարչական շրջանների իրավասության դատարանում:

Հատկանշական է հատկապես Սամվել Ուզունյանի տեղափոխումը Ավանի և Նոր-Նորք վարչական շրջանների ընդհանուր իրավասության առաջին ատյանի դատարանից, որի նախագահն էր  նա ավելի քան 12 տարի: 

Ըստ ավելի վաղ՝ այս տարվա փետրվարին տարածված տեղեկատվության, Սամվել Ուզունյանն անձամբ էր դիմում գրել  և  «խնդրել» իրենց շարքային դատավոր նշանակել։ Դրանից հետո  նրան փոխարինել էր ՀՀ նախագահի թիկնազորի (ՊՊԾ) պետ Հրաչ Հարությունյանի՝ Կրակեմ Հրաչի որդին՝ Դավիթ Հարությունյանը, ով  34 տարեկան է,մինչ այդ  աշխատել էր դատախազությունում, ՀՔԾ-ում, իսկ 2011-ին դատավոր էր նշանակվել։

Ըստ ասեկոսեների, հենց նա էր  Ուզունյանի «տակը փորել»՝ անցանկալի տեղեկատվություն փոխանցելով «վերեւ»։

Ասում են, թե դատարանի երիտասարդ նախագահի ու նրա նախորդի «հակամարտությունը»  շարունակվել է նաև փետրվարից հետո և Սերժ Սարգսյանը խնդրի  հանգուցալուցման համար որոշել է Սամվել Ուզունյանին տեղափոխել Արագածոտն:

Հիշեցնենք, որ Սամվել Ուզունյանն էր դատավարում «Հոկտեմբերի 27»-ի գործով:

Հեղինակ՝ 

Ա. Գրիգորյան