«Լրատվական օրը սկսեց իմ անձի մասին ապատեղեկատվություն գրելու մեջ մասնագիտացած թերթերից մեկի կողմից հրապարակված հերթական լավ ընթերցվող, ականջներ ունեցող, սակայն իրականությանը չհամապատասխանող շարադրությամբ»,-այսպես է արձագանքել ԿԳ նախկին նախարարը մամուլի այսօրվա հրապարակմանն, ըստ որի Բելգիայի ոստիկանությունը վերջերս բացահայտել է Լյուվեն քաղաքում Արմեն Աշոտյանի վրա իրականացված հարձակման կատարողներին, որոնք, ինչպես պարզվել է, շարքային կողոպտիչներ են եղել և ցանկացել են նախկին նախարարին թալանել։
Կարելի է կարծել, որ Արմեն Աշոտյանը լավ գիտի կամ խիստ կասկածում է, թե ովքեր են իրականում իր վրա հարձակվել ու ով է եղել այդ հարձակման պատվիրատուն, բայց տարօրինակ լռում է և , միայն հերքում այն վարկածները, ոոնք հայտնվում են մամուլում:
Ի դեպ, եթե մասնավոր զրույցներում և հատկապես ներկուսակցական շփումների ժամանակ, Արմեն Աշոտյանի մտերիմները տեղի ունեցածին քաղաքական աստառ էին տալիս, ոմանք էլ՝ հատկապես լրագրողական շրջանակներից, ըստ ասեկոսեների, դեպքը կապում էին նրա անձնական կյանքի ինչ-որ դրվագների հետ:
Ամեն դեպքում, կարծես թե, Բելգիայում պատահածը Արմեն Աշոտյանը չի ցանկանում մոռանալ և , գուցե ժամանակ գա, ԿԳ նախկին նախարարը կբացահայտի իր վրա հարձակման սեփական վարկածը...
Իսկ այս պահի դրությամբ, ստացվում է, Աշոտյանը գիտի, բայց լռում է...
Հեղինակ՝
Ա. Գրիգորյան
