Հովհաննավանքում «պատարագից» հետո այդ խորանը պետք է 7 օր գինով և մեռոնով լվացվի, որովհետև դա սրբապղծություն էր. աստվածաբան, կարգալույծ եղած քահանա
Նիկողոս Հովհաննիսյանը հիշեցրեց, որ կարգալույծ եղած հոգևորականը իրավունք չունի որևէ ծիսակատարություն, որևէ խորհուրդ կատարելու։ Նրա խոսքով` Հովհաննավանքում այս պահին կատարվում է մի բան, որը հայ եկեղեցում երկար ժամանակ չի եղել, այսինքն` փորձ են անում հակաթոռ ինչ–որ մի բան ստեղծել։
«Հովհաննավանքում այդ կադրերը նայելուց հետո լացս եկավ։ Միայն Ստեփան Ասատրյանը չէր այնտեղ, նրա կողքին էին նախկին սարկավագներ, որոնցից մեկն, օրինակ, համացանցում հայտնի է իր հայհոյախոսությամբ»։
