Metro կայքը կազմել է Անգլիայի Պրեմյեր լիգայի ամենաազդեցիկ ֆուտբոլիստների տասնյակ: Դրանում ընդգրկել է նաև «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը: Այս մասին կայքը մասնավորապես գրում է.
«10-րդ տեղում «Մանչեսթեր Յունայթեդի» նորեկ Հենրիխ Մխիթարյանն է: Քչերը կարող էին ենթադրել, որ 27 միլիոն ֆունտ վճարելուց հետո Ժոզե Մոուրինյոն Հենրիխ Մխիթարյանին կթողնի պահեստայինների նստարանին, սակայն այդ իրավիճակը ստեղծվել է Խուան Մատայի պատճառով:«Սաութհեմփթոնի» հետ հանդիպման վերջին 15 րոպեներն անցկացնելով՝ Մխիթարյանը հետաքրքիր և գրավիչ խաղ ցուցադրեց: Հնարավոր է, որ հենց այդ հանգամանքը օգնի Մխիթարյանին մեկնարկային կազմում լինել «Հալ Սիթիի» դեմ: Մխիթարյանը մեր տասնյակում է նաեւ «Մանչեսթեր Յունայթեդի» երկրպագուների երգի շնորհիվ, որը նրանք նվիրել են հայ ֆուտբոլիստին»:
