Մոսկվան Հաղթանակի շքերթին հրավերներ չի ուղարկել ոչ բարեկամական երկրների դեսպաններին և պաշտոնյաներին, բայց դա չի վերաբերում համապատասխան պետությունների վետերաններին: Այս մասին ՏԱՍՍ-ին տված հարցազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ «Ոչ բարեկամական երկրները շքերթին 2022թ․ ի վեր չեն հրավիրվել, քանի որ այդ երկրներում վարչակարգերը վարում են ոչ բարեկամական քաղաքականություն։ Այս տերմինն է օգտագործվում, սակայն իրականում նրանք ագրեսիվ քաղաքականություն են վարում մեր երկրի նկատմամբ»,- նշել է նա:

***

ՌԴ նախագահ Վլադիմիր Պուտինը և ԱՊՀ երկրների առաջնորդները, որոնք հրավիրված են Հաղթանակի շքերթին, ծաղիկներ են խոնարհել Անհայտ զինվորի հուշարձանին: