ԱԺ պատգամավոր Թագուհի Թովմասյանը ֆեյսբուքյան էջում գրում է․ «Քաղաքական բեսպրեդել.
Բա ասում էիք՝ ՔՊ-ի օրոք մարդկանց դալաններում չեն ծեծում. փաստորեն ծեծում են ավտոկայանատեղիում, օրը ցերեկով, դիմակավորված»:

***

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը. «Ժողովրդավարական երկրներում իշխանությունը պետք է բոլոր ռեսուրսները դներ բացահայտելու ընդդիմադիր գործչի վրա հարձակվողների ինքնությունն ու խիստ իրավական պատժի ենթարկեր նրանց։
Միհրան Հակոբյանի պարագայում իշխանություններից նման բան սպասելն անշնորհակալ գործ է։
Միջազգային կառույցներ ու դեսպանատների ներկայացուցիչներ, ո՞ւր եք, ինչո՞ւ չեք դատապարտում այս բարբարոսական հարձակումը Միհրան Հակոբյանի նկատմամբ։
Սա հերթական հարձակումն է ընդդիմադիրների վրա «ժողովրդավարական բաստիոն» նիկիլական Հայաստանում։
Սա դատապարտելի ու զզվելի ակտ է։
Կրկնակի դատապարտելի է դեպի Եվրոպա ձգտող «քաղքական» շրջանակների ու «իրավապաշտպանների» քար լռությունը»։

***

ԲԿ-ի բակում, լրագրողների հետ զրույցում անդրադառնալով հանրային գործիչ Միհրան Հակոբյանի վրա հարձակման դեպքին, փաստաբան Ռուբեն Մելիքյանն ասաց. «Ոստիկանությունից էին ժամանել, գործողություններ էին կատարում: Միհրանը դեռ զննության փուլում է, որոշակի վնասվածքներ ունի դեմքի հատվածում: Առնվազն երեքն են եղել՝ դիմակներով ու հարվածներ են հասցրել, որի մասին արդեն գրել էի»: Հարցին՝ տեղեկություններ կան, որ Միհրան Հակոբյանը նկատել է, որ մի քանի օր իրեն հետևում են, այդպե՞ս է, ասաց. «Այդպիսի տեղեկություն ես էլ եմ ստացել, բայց դա ոչ պրոֆեսիոնալ տեղեկություն է, ընդամենը կարող եմ կիսվել»: