ՔՊ-ն ԱԺ տնտեսական հարցերի մշտական հանձնաժողովի նախագահի պաշտոնում առաջարկել է Բաբկեն Թունյանի թեկնածությունը: Պատասխանելով ընդդիմադիր պատգամավոր Հայկ Ֆարմանյանի հարցին, ըստ որի՝ տեղեկություններ կան, որ սերտ համագործակցություն կամ աշխատանքային գործունեություն եք ունեցել նախկին վարչապետ Կարեն Կարապետյանի ժամանակ, Թունյանն ասել է. «Կարապետյանի հետ հարաբերությունների մակարդակը չգիտեմ՝ ոնց եք գնահատել, ես հարգալից եմ վերաբերվել: Ընդհանրապես, բոլոր պետական պաշտոնյաներին, ում հետ աշխատել եմ, հարգալից եմ վերաբերվել ու նախկին պաշտոնյաներից շատերի հետ էլ մինչև հիմա լավ հարաբերություններ ունեմ: Ինձ մոտ այդ կաշկանդվածությունը չկա ու երևի պատճառն այն է, որ պետական պաշտոնյաներին ու պետական ինստիտուտներին պետք է հարգանքով վերաբերվես ու այն փոխադարձ լինի»:

***

«Եթե խոսում ենք պրոֆեսիոնալիզմից ու մնացած հատկանիշներից, հիշեցնեմ, որ ձեր շարքերում կա մարդ, ով՝ երբ սրանից մի 3-4 տարի առաջ վերանորոգում էին Դիլիջանի թունելը, գրել էր՝ Դիլիջանի թունելը վերանորոգման պատրվակով փակում են, որ Տավուշում հողերը տան ու մեր զորքը չկարողանա հասնել օգնության: Էնքան աբսուրդ միտք ա, որ պատկերացնելը բավականին բարդ ա, ու ձեր շարքերում կա մարդ, ով մեկ ամիս առաջ մանդատ վերցնելը համարում էր անթույլատրելի սխալ»,- արձագանքելով ընդդիմադիր Մարիաննա Ղահրամանյանի հարցին՝ ասաց ՔՊ-ական Բաբկեն Թունյանը: