Սոցիալական ցանցերում շարունակվում են ակտիվ քննարկումները՝ երեկ Երևանի կենտրոնում, պայթեցման միջոցով քանդված մայրաքաղաքի առաջին տպարանի շենքի վերաբերյալ, որը մոտ 100 տարվա պատմություն ունի:
Հանրությունը շատ բացասական է արձագանքեց դրան. կարելի է ենթադրել, որ եթե նախօրոք հայտնի լիներ, որ շենքը քանդվելու է, բողոքի ակցիաներ կլինեին:
Անուշ Բեղլոյանն, այս առիթով, գրել է.
«Ասում եք բան եք փոխելու՞: Մի հատ չբռնենք զանգենք օգնական/վարչապետ ես իմ ում: Էս ինչին պիտի հավատա՞նք: Որտե՞ղ են հանրային քննարկումները , որտե՞ղ է պատմական շենքի ճակատագի վերաբերյալ որոշումը , պատճառաբանությունը: Հերթական վիսոտկա եք սարքելու գռփեք: Ո՞վ, նոր իշխանությու՞նը: Նոր վարչապետի նոր գործելաո՞ճն է սա, թե՞ իրավիճակին չի տիրապետում, թե՞ Տարոն Մարգարյանը դաբռո ով թև ա առել , ինչ ուզում պայթացնու՞մ է: Ինչի՞ն հավատանք, ու՞մ աջակցենք, Բեգլարյան էլ չկա գլխին ջարդեք: Ամոթ: Ու Ոչ մի ՀԱՎԱՏ Ձեզ , ոչ մի աջակցություն: Եթե չտեսնեմ դատ , հրաժարականներ, երկու կոպեկ չեմ տա նրա համար, որ ձեր ապագան Հովիկ Աբրահամյանի ճակատագրից տարբերվի մի տարի հետո»: