Թարմացված․ Արցախի հայաթափումից հետո Ստեփանակերտում «պարետ» մնացած Սարգիս Գալստյանին մեղադրանք է ներկայացվել՝ լրտեսության համար։ Հիշեցնենք, որ Սարգիս Գալստյանն օրերս կնոջ հետ ԿԽՄԿ ուղեկցությամբ Արցախից տեղափոխվել է ՀՀ և Գորիսում ձերբակալվել։ *** |
Արցախի հայաթափումից հետո այնտեղ մնացած հաշված հայերից Սարգիս Գալստյանը, որի մասին մի պահ գրվեց, թե Ադրբեջանը նրան նշանակել է Ստեփանակերտի պարետ, օրերս վերադարձել է Հայաստան։ Նրան Գորիսում ԱԱԾ-ն ձերբակալել է և բերման ենթարկել։
Այս մասին հայտնում է «Մեդիահաբ»-ը։
«Փաստինֆո»-ն կապ է հաստատել Արցախի ԱԺ պատգամավոր Դավիթ Գալստյանի հետ, որը Սարգիս Գալստյանի ազգականն է։ Պատգամավորը, սակայն, տեղեկությունը ո՛չ հերքել, ո՛չ հաստատել է՝ նշելով, որ տեղեկություն չունի, տևական ժամանակ է՝ կապ չունի նրանց հետ։