Դերասանուհի, հեռուստահաղորդավարուհի Նազենի Հովհաննիսյանը Instagram-ի իր էջում գրել է.
«Երբեմն թվում է, թե ապրում ենք զուգահեռ աշխարհներում։ Գրված օրենքների աշխարհն անցել է վաղուց, չգրված օրենքներինը նորից`զրոյից պիտի սաղմնավորվի։ Որովհետև չկա վաղուց էն «հին աշխարհը»,որում ապրում էինք, իսկ նորին մենք անընդհատ պատրաստ չենք։
Մենք սահմանում ենք մեր ազատությունն ու մտքի թևերին ծանրոցներ կախում, կապկպում, որ թռիչք չլինի, որովհետև վախենում ենք տեսնել նոր աշխարհը՝ բարձրից, մեզ համար անսովոր դիտակետից, վախենում ենք մեր երևակայությունից կամ ուղղակի վախենում ենք լինել ուրիշ։ Մենք դադարել ենք սիրել ՏԱՐԲԵՐ-ը, տարբերությունը դժվարամարս է, ոմանց համար նույնիսկ՝ ԱՆՄԱՐՍԵԼԻ։ Դրա մասին է «հասարակությունը»։ ) հասարակ բառից է, հասարակների մեծամասնությունն է, որը հաճախ չի հասկանում կարևորագույնը. հասարակ լինել, չի նշանակում լինել սովորական, ինչպես որ «հասարակ» օվկիանոսը երբեք չի կարող լինել սովորական։ Մենք, դարձել ենք սովորական հասարակ- ություններ, որովհետև անհատն անհարմարություն է... )) հ.գ իսկ ով՞ է ասել, որ ծովափին չի կարելի լինել վերարկուով) ես վաղուց ինքս եմ որոշում իմ ձևն էլ, բովանդակությունն էլ։ Միայն ափսոս, որ հասարակ- ությունը ձևն է տեսնում, ոչ թե Հասարակ, բայց հաստատ տարբերվող բովանդակությունը։
հ.գ. նրանից, թե ինչ հագուստով ես դու նայում Օվկիանոսի աչքերին, չի փոխվում և ոչ էլ նսեմանում է նրա անծայր Գեղեցկությունը ու հզորությունը... հ.գ.2 իսկ ոտքս հատուկ եմ դուրս թողել, հասարակ ոտք է, շատ արտասովոր պայմաններում)
Գրել եմ 2017- ի նոյեմբերին: Ինստաս hacking-ից հետո 2018- փետրվարից է սկսվում: Փորձում եմ վերհիշել ու հիշեցնել»:
Կարդացեք նաև՝ Այո, ես մեծամիտ եմ, երբ որոշում եմ, թե ում հետ շփվել. Նազենի Հովհաննիսյան
