Ինչպես հայտնում են միջազգային ԶԼՄ-երը՝ Բրյուսելի Սքարբեք համայնքում հզոր պայթյուն է որոտացել, որտեղ էլ այս պահին հակաահաբեկչական օպերացիա է անցկացվում: Ուժայինները ներկա պահին շրջափակել են փողոցները, ինչպես նաև վերջիններս տարհանում են մարդկանց հասարակական տրանսպորտից:
Հիշեցնենք, որ Բելգիայի մայրաքաղաք Բրյուսելում ահաբեկչությունները սկսվել էին մարտի 22-ին` առավոտյան: Բրյուսելում տեղի էին ունեցել 5 պայթյուններ: Երկու ահաբեկչություն էր տեղի ունեցել Բրյուսելի Զավենտեմ օդանավակայանում և ևս երկուսը՝ «Շուման» և «Մալբեկ» կայարաններում: Պաշտոնական տվյալների համաձայն` մահացել է 31 մարդ, վիրավորների թիվը գերազանցել է 250-ը: Ավելի վաղ նշվել էր, որ զոհերը 34-ն էին:
