Շիրակի մարզի մի խումբ գործարարներ Asekose.am-ին բաց նամակ են ուղարկել, որով դիմում են ՀՀ վարչապետ Կարեն Կարապետյանին: Նամակում նրանք իրենց դժգոհությունն են արտահայտում Մերձմոսկովյան շինարարական կազմակերպության տնօրեն Արամ Ադամյանի գործունեության վերաբերյալ, ով սեփականաշնորհել է այդ հիմնարկությունը և աշխատողներին զրկել շահութաբաժիններից: Հայր և որդի Արամ և Արտակ Ադամյանները Գյումրիում ապօրինի ձեռք բերած իրենց օբյեկտների վարձակալությունից ապօրինի կերպով ստանում են ամսական մոտ 35000 դոլար, սակայն չեն վճարում հարկեր` շնորհիվ իրենց հովանավորների` ի դեմս նախկին վարչապետ Հովիկ Աբրահամյանի, նախկին ֆինանսների նախարար Գագիկ Խաչատրյանի, տարածքային նախարար Դավիթ Լոքյանի և Գյումրիի քաղաքապետ Սամվել Բալասանյանի:
Արտակ Ադամյանը Սամվել Բալասանյանի աջ ձեռքն է, և քաղաքի ասֆալտի 70-80%-ը կատարվել է հենց Ադամյանի Մերձմոսկովյան կազմակերպության կողմից անօրինական մրցույթի հետևանքով: Մեծ գումարներ բաժանելով` Արտակը անցավ ավագանի, և Սամվել Բալասանյանը նրա ծառայությունների դիմաց բոլոր աշխատանքները կատարում է հենց նրա կազմակերպության միջոցով:
Նրանք խլել են Ախուրյան գետի վրա Էլբիստ կազմակերպության կողմից կառուցված գէս-ը, որը պատկանում էր Գևորգ Առաքելյանին, որին և սննկացրել են: Այդ գէս-ը աշխատում է ապօրինի, չունի կադաստրի վկայական, կառուցվել է բազմաթիվ թերություններով, և օրերից մի օր այն կփլուզվի: Դրա մասին կազմվել է մեծ թերությունների ակտ բնապահպանների կողմից, սակայն Հովիկ Աբրահամյանի, Գագիկ Խաչատրյանի և Դավիթ Լոքյանի շնորհիվ այդ ակտը չդարձավ քննարկման առարկա:
Այսօր այդ գէս-ը շահագործվում է Էլբիստ ՍՊԸ-ի կողմից: Նրանք ապօրինի օգտագործում են գետի ավազը, վնասում շրջակա միջավայրը, ոչնչացնում կենդանական աշխարհը` դրա դիմաց հարկեր չվճարելով: Առանց համապատասխան փաստաթղթերի` նրանք կանխիկով վաճառում են 50.000 դրամ մեկ ավտոմեքենա ավազը` նշելով, որ իրենց դեմ խաղ չկա, քանի որ իրենց թիկունքում կանգնած է Դավիթ Լոքյանը:
Նրանք անօրինական կերպով շահագործում են նաև Շիրակի մարզի Կառնուտ գյուղի մոտ գտնվող բազալտի հանքը, օրական վաճառում 1500 խորմետր բազալտ` 1 խորմետրը` 8500 դրամով»:
Դիմելով Կարեն Կարապետյանին` գործարարները խնդրում են ստուգել`
Ախուրյան գետի վրա կառուցված գէս-ի օրնականությունը
Շիրակի մարզի Կառնուտ համայնքի տարածքի բազալտի հանքավայրը
Ախուրյան գետի ափին շահագործվող ավազի հանքը
