Wnews.am-ը ներկայացրել է ամռան հինգ գլխավոր գեղեցկության թրենդները.
Կարմիր շրթներկ.
Արդեն որերորդ սեզոնն է, կարմիր շրթներկը շարունակում է լինել դիմահարդարման գլխավոր թրենդներից մեկը։ Նորաձեւ է կարմիրի ցանկացած երանգը։ Իդեալական տարբերակը՝ անփայլ կարմիրն է, որը համարձակ կարող եք քսել օրվա ցանկացած ժամին, սակայն մի մոռացեք, որ շուրթերը շեշտելու դեպքում աչքերի դիմահարդարումը պետք է պասիվ լինի։
Բնականություն.
Բնական գեղեցկություն՝ առանց ավելորդությունների. մաշկի իդեալական եւ բնական երանգը շարունակում է թրենդային մնալ։ Շատ դիմահարդարներ սահմանափակվում են միայն մաշկի իդեալական տոնով, թեթեւ սնգույրով եւ հոնքերի մատիտով։
Այսուհետ ոչ մի սթրոբինգ եւ կոնտուրինգ։ Sun stripping – նոր թրենդ է, որը դեռ կհասցնի հետաքրքրել շատերին։ Դրա տեխնիկան ուղղված է թեթեւակի «այրված» մաշկ ստանալուն։ Միակ բանը, որը ձեզ պետք կգա այն ստանալու համար, բրոնզերն է կամ բրոնզագույն դիմափոշին։ Քսեք այն քթին, այտերին, ճակատին ու ծնոտին, այնուհետեւ թեթեւ տարածեք։
Տիկնիկային թարթիչներ.
Սովորաբար դիմահարդարները խորհուրդ չեն տալիս թարթչաներկ քսել աչքերի ներքեւի կոպին, սակայն այժմ ճիշտ դիմահարդարման մասին պատկերացումները փոխվում են։ Երկար թարթիչներով տիկնիկային կերպարը դարձել է նորաձեւության ցուցադրությունների դիմահարդարման գլխավոր շեշտադրումներից մեկը։ Սակայն, առօրյայում, արհեստական թարթիչները տեղին չեն։
Կապույտ երանգներ.
Այս սեզոնին կապույտը, միանշանակ, դիմահարդարման գլխավոր գույնն է։ Համարձակ փորձեք այս երանգի մատիտները, թարթչաներկն ու ստվերաներկը։ Մի շտապեք հայտարարել, թե այս գույնը ձեզ համար չէ, պարզապես ընտրեք ճիշտ երանգը. բաց երանգի մազեր ունեցողներին սազում է կապույտի բաց երանգը, իսկ մուգ գույնի մազեր ունեցողներին՝ կապույտի ավելի վառ երանգները։
Ամբողջական նյութը՝ սկզբնաղբյուր կայքում
